السلام عليكم العائلة والمتتبعين الأوفياء،
فهاد الفيديو الأخير لي شاركت معاكم، بغيت نفتح ليكم قلبي ونقاسمكم لحظات غالية عليا بزاف. الحياة محطات، وأهم محطة فيها هي فاش كياخد الإنسان قرار باش يزيد للقدام، ولكن بشرط: ما ينساش الجذور ديالو.
رضا الوالدين: الساروت اللي كيفتح جميع الأبواب
كما كتشوفوا دائماً على قناتي، أول حاجة كنبداو بها هي “رضا الوالدين”. بالنسبة ليا، دعوة وحدة من الوالدة وهي صايمة وفهاد الأيام المباركة، كتسوى عندي الدنيا وما فيها. جلوسي حداها، وضحكتها، واهتمامي بصحتها هو اللي كيعطي البركة فكل حاجة كنديرها. علمتني الحياة بلي اللي ما فيه خير فوالديه، ما فيه خير فتا شي حد، وبلي الدار اللي ما مبنياتش على “دعاوي الخير” هي دار بلا روح.
راحتهم فوق كل اعتبار: إصلاح دار الوالدين
قبل ما نفكر نبني داري بوحدي، كان الهم ديالي الأول هو نصلح دار الوالدين ونردها فالمستوى لي يليق بيهم. عمري ما فكرت فـ “الورثة” أو شكون غادي ياخد الدار من بعد، حيت بالنسبة ليا، راحة والديا فهاد اللحظة ودوام ضحكتهم هما الربح الحقيقي. صرفت مالي وجهدي باش نشوفهم مرتاحين وفصحة جيدة، حيت “الدار الكبيرة” هي لي كتجمعنا، وإصلاحها هو عربون محبة واعتراف بالجميل، ماشي استثمار فالمستقبل.
علاش قررت ندير داري بوحدي؟
من بعد ما اطمأن قلبي على دار الوالدين وراحتهم، خديت القرار باش نأسس لمرحلة جديدة ونبني داري المستقلة. هاد الخطوة ماشي هروب، ولكن هي طموح باش كل واحد فينا يلقى الخصوصية ديالو، وفنفس الوقت نبقاو قراب ومجموعين على الخير. قررت ندير داري بوحدي باش نأسس لمستقبل واعد، وباش نخلق فضاء لي يجمعنا كاملين فالمودة والرحمة.
المستقبل واليقين في الله
فهاد الأواخر ديال رمضان، وحنا كنودعوا هاد الشهر الكريم، كان هاد القرار هو العهد اللي خديت مع راسي: أنني نستمر فالعمل والكفاح، ونبني “عش” يجمع الشمل، ويكون دائماً مفتوح فوجه الوالدين والأحباب. مابقى ما يتخبى، حيت الصدق هو لي كيوصل للقلب، والنية الصافية هي لي كتغلب.
شكراً ليكم على دعواتكم، وعلى تشجيعكم اللي ديما كيعطيني القوة. شكراً للوالدة العزيزة على صبرها ودعاويها، والله يخلي ليكم والديكوم ويحفظ ليكم ما عز عليكم.
انا بالنسبة لي ك متابعة رافقتكم من البدايات نتمنى دير دارك زوينة بوحدك معزولة و هدا من حقك و غدي تقدر تدي ليها ولادك ف زيارات خاصة بعيد على الكاميرات
سلام عليكم ورحمة الله وبركاته تحية لالة حادة وبا قدور تحية عائشة بنت بلادي
نتمناو هاد المرة تكون صادق لان حنا مولفينك بدون ما تخدم راس مالك هضرة فقط اما العمل مكدير حتا مجهود واش اللي كيغبر على القناة سيمانة ويرجع لينا نفس القصة غبرتي 10 يام وفاتي غتشري دو بلليكس مشريتيهاش كاتب غادي عيشة لشهر العسل مديتيهاش مسكينة دبا عوتاني غبرتي ورجعتي لينا لقصة بغيت ندير داري كنتمنى شي مرة دير شي حاجة عاد هضر عليها انا متابعة ديالك ولكن قويني علينا الكدوب
عافاك ايونس طهلا في عاىشة بالحكم التجربة ديالي حتا انا زوجة تانية او راجلي عندو اوليداتاوليداتو فعيني عزازين عليا ولكن حتا حنا عندنا مشاعر كنحسو كبغيناكش طيح فمشاكل خاصك التوازن بينهم او بين عاىشة حتا خوهم اولا ختهم الا جات للدنيا اكون تآخي بنهم ميكونش الفرق باش ابغيوه متفرطش ف عاىشة ايونس
انا متابع قديم، الأهم هو تهلى فيهم و تحاول ديما تكون قريب لهم
الصراحة علاش با قدور ما يكتبش ليك الدار السفلية من حقك انت سبب السعد تاع العائلة الكبيرة و الصغيرة كل شي دار لباس من وراء الشهرة تاعك خاصهم يهطعترفوا لك بالجميل لا يعقل الواحد يخسر 160مليون و اخوتوا والديه ميتفقوش انه من حقك تكتب ليك الدار السفلي
يونس ولكن رضى والين واجب وخصك حتى نت دير مستقبلك ودارك وتجمع ولاداك لان ولاداك هما لتلقى من هنا قدام فهمت يونس راه كاين رضى والدين وكاين رضى ولادات لان الا فرطت في حقوقهم ومكنتش اب راه ربي ميسهلاش عليك واخة خدا والدين يدعو معاك ليل ونهار نت درت لي عليك راه سبب طلق من سمير هما والديك بقيت تدي راي عائلتك ووالديك حتى مدرتيش جتى حاجة راه خص تكون عندك قرار راسك نت لتقرر ماشي والديك والديك مدخلش في مستقبل وحياتك وعلاقتك مع ولاداك نت واجب عليك تتحترمهم وتهلا فيهم ناشي بلش تبع رايهم خاوي لان كايين شي والدين تيبغو يتحكم في ولتدهم وزيدة على دالك راه كايين خوتك اخرين ماشي غير نت ياك قلت دار كتبتها في اسسمك حاول متبقاوش تكدبو على مشاهدين
لا ختي مشي وجب علاش خوتو بقو مع ولديهم مزيان ستقر نهار خطو ولدين لقا فلوس مشت وقت تبدل كولش غلا
سمحي لي ولادو يشوفهم بعيد على دارو لأن مرات الأب واخا دير اللي دارت كتبقى مرات الأب بالعكس يلا بغا ولادو يشوفهم عند والديه ومراتو تبقى فالتيقار هدشي يلا بغا يعيش مرتاح وبدون مشاكل لأن هاد الوقت ولادنا وبعض المرات مكيسمعوش خصوصا هاد الجيل اللي طالع ولادو واجب عليه يشوفهم ولكن بعيد على الزوجة ديالو اللي حتى هي غدي تصبح أم وخلها تهتم بوليداتها وتعطيهم وقتها وهذا نظري
كان من الممكن دير مشروع وتبقا مع والديك مساكن دار كبيره وهما غير بزوج مساكن كان عليك تكمل معاهم مشوار الحياة يحسن عون مي حاده مسكينه كتشوف مي حليمه دايرين بها وليداتها وولادها ومفرحينها ومي حاده مسكينه كتقطع القلب ملقات علامن تحط راس في كبرها مرت حميد صدقت مساهلاس كانت سالمه تحت سيف اول متاحت لها الفرصه قلبت طابله وعايشه عاد جات عروسه بالخف كتهضر على دار ولا نتا لا حميد بردتو القلب وجمعتو عبالاتكم بحال مي حليمه للأسف للاسف
والله مكدبتي شتتهم اليوتوب ولكن لوخرين راه كيبانو غير حيت خدامين مجموعين من نهارهم لول اما راه تاهما كينوضوها
لا سمحلي با محمد مشي هو با قدور بقدرو دخل فل كبير صغير با محمد مخلي ولدو على رحتهم شرو دير فسميت عيلتهوم كول وحد دير درو جمعهوم غير تصوير بقدور صعيب مخليش يونس على رحتو
خويا يونس حفظك الله ورعاك انت الزوجة ديالك ختي عائشة او العائلة الكريمة ديالك كاملين خصوصا الاخت ديالك ختي عائشة
الله يكمل بالخير اي خطوة فالحياة بلا رضاة الوالدين ما كيكون والو حنا عرفنا مربوحة بجدورها هي العائلة و الوالدين و لي خلانا قرابين منكم هي لمة العائلية المغربية دابا جا الوقت دير مستقبلك و دير حاجة مستقلة ديالك فين تبدا مسار جديد و اكيد برباح و رضاة الوالدين الله يسخر ليك و يفتح ليك بيبان خير و راك برضاهم باش كاين و ربي سخر ليك فحياة جديدة و زوجة مرضية و قلبها كبير
الله يخلي ليك واليديك هما كلشي او الباقي مزيان فكرة مزيانة الله يسر ليك
ماقلتي حتى عيب دير دار فسميتك ولكن علاش غاتاخد ارض و تبدا زعما تبني و تصور لينا تاني البني هدا ماشي محتوى و مغتربح منو والو نتوما اصلا قلتو غتبقاو تمشيو تصورو فعروبية و لالة حادة راه هي كلشي ، خود دار كبيرة فالمدينة و بقا كل مرة تفرش و من بعد دير قهوة ولا شي حاجة وأصلا اش غيستافدو ولادك من دار فالعروبية ناس راه كيبغيو المدرسة و لافاك ….
صراحة راه غير غضيع راسك فالارض فعروبية ناس كيزيدو قدام نتا باغي تبقا غير فجنابك
المهم هو تعرف ان رضاة الوالدين مهمة وصانا عليهم الله عز وجل في كتابه الجليل وكيف ماوصى على الوالدين وصى على الزوجة والأبناء عطي لكل حق حقه حتى اولادك رعيتك وكل راع ولكم مسؤول عن رعيته حتى هما ذنبهم عظيم كيف كاين سخط الوالدين كاين سخط الأولاد على الاباء لهذا ماتصنط حتى لشي نفس خبيثة تحرشك على والديك او اولادك او زوجتك فرق بيناتهم بالعدل وإن شاء الله ربي يسر الامور انا الصراحة كيطلع ليا منك الدم ملي كتسامح مدفي اولادك كنطلقو المرأة مشات الله يعاونها ولكن الوليدات لا ثم لا كتخرج لهم على نفسيتهم وكدمر لهم حياتهم كاملة لهذا خدم عقلك واحمي الجميع من الجميع
. نتمناوعائشة متوقفش في طريقك في صلة الرحم مع الأولاد نهار الأول جات وعارفة أنك عند 4أولاد لأن قاطع الرحم لا يدخل الجنة وقطع الرحم من كبائر الذنوب وهذو الأبناء هم الجدور والفروع الله يحفظهم من كل شر . خسارة أنك مطبقتيش الفكرة من البداية ولكن قدر الله كيتصرف ونتمنى كذلك يوفروا عليهم أم الأولاد إنسانة في حالها خدامة على أولادها بما يرضي الله وهذشي كيفرح
دبا نتيا كتهضري على ما قال الله ونسيتي راسك انكي كتتهمي عائشة بدون اي أدلة هل رأيتها او سمعتها كتمنع يونس من صيلة الرحيم، اتقي الله ياختي ٠، عائشة بنت الاصل بنت الناس وش عمرك سمعتها قالت شي كلمة ديال العيب كتخرج من فمها غير الهضرة الزوينة والنقية إتق الله ياختي في هذا الشهر المبارك وكذالك الطليقة شكون دها فيها الله يهديك اصافي
خويا يونس يارب يبعد عليك الحسدين فهد الايام المباركة انت الزوجة ديالك ختي عائشة او العائلة الكريمة ديالك كاملين خصوصا الاخت ديالك ختي عائشة
دير دارك ومشروع وعيش حياتك وتهى في عائشة نعم الزوجة واياك ترجع خطوة الوراء يكفي ماضاع الله اخلف عليك والحمد لله عائشة بادرة خير عليك ان شاء الله تزيد القدام .وبعد من اليوتوب قدر المستطاع باش تعيش هاني حتى حد مايجيب خبارك .راك متبوع الله ادير لك لي فيها الخير ويبعد عليك انت وعائشة كحل الراس
خويا يونس من حقك دير مستقبلك ، اي حاجة حنا معاك او في نفس الوقت متخلاش على والديك راك نتا ساكن او مستقر او في نفس الوقت راك كتأسس مستقبلك ، او عفاك وليداتك ثم وليداتك متخلاش عليهم متقطعش معاهم صلة الرحم هذوك مليهم حتى ذنب يبقاو بعاد يكفي انهم بعاد عليك فعطي وعد مع راسك بانك عمرك غادي تخلى عليهم حيث الله سبحانه مغاديش يكون راضي عليك او نتا قاطع صلة الرحم بأبناؤك و شكرا او الله يسر ليك الامور
لمعاه رضات الوالدين عمرو رب يخيبو.
خويا يونس نصيحة ليك دير دار فالمدينا ودير شي مشروع من الاحسن راه عندكوم دار فالعربية قبل متدير شي قرار فكر فيه هو لول وحاول تجتاهدو فالفديووات وكونو فصورة مزيانة والمنتاج متخليش شي لقطة تدوز ماشي هي هاديك ونتي اختي عيشة نصيحة من لقلب متصوريش حتى تشوفي راسك مزيان وحوايجك مزيانين عاد.تبداو تصوير متخليش ناس فين اشدوك
عندكوم بزاف لحجات تصوروها ولكن كتبقاو غير فلكوزينة المتابع كيبغي تجديد الله اخايكوم ديما لفوق
يونس خاي ما ضيعش فلوسك ومجهودك ووقتك في دار فالعروبية ، راها عندك الدار اصلا . شري بارطما فالمدينة قريبة من المدارس من الجامعة من الصبيطار .. من جميع مرافق الحياة العامة . والدار ديال العروبية لي باغي تبقى تستثمر فيها يوتوبيا كمحتوى للتصوير هي دار والديك ، كنظن سمعتك قلتي شي مرة با قدور غيكتبلك السفلي. وتبارك الله الاراضي عندكم بامكانك من بعد بعد عمر طويل للوالدين تكون عندك قطعة ارضية خاصة بيك تاسس فيها مشروع فلاحي. عاود فكر مزيان باراكا من ضياع الفلوس العمر قصير
قرارك صحيح وعلى صواب الحمدلله راك تهليتي في والديك وصلحتي لهم المنزل دابا خاصك تفكر لوليداتك وتعرف بلي كلشي كتدجيبو الوقت ضروري ضمن مستقبل لزوجة ديالك و وليداتك ضروري شي حاجة بسميتك وسميت عائشه ايضاً متنساش راها معاونتك في القناة، اما بالنسبة للوليدين خاصهم يشجعوك على هاد القرار الحمدلله كل أخواتك عندهم ملك خاص بهم علاش انت لا خصهوم يساندوك ويشجعوك فهاد القرار وكنتمنا متراجعش عليه ، بتوفيق
خويا يونس كنتمى ليك ليلة قدر مباركة عليك انت الزوجة ديالك ختي عائشة او العائلة الكريمة ديالك كاملين خصوصا الاخت ديالك ختي عائشة ياعز عائلة على قلبي لي معروف عليهم التواضع الاخلاق ما شاءلله عليكم يارب يبعد عليكم الحسدين فهد الايام المباركة
خويا يونس حفظك الله ورعاك انت الزوجة ديالك ختي عائشة او العائلة الكريمة ديالك كاملين خصوصا الاخت ديالك ختي عائشة
خويا يونس كنتمى ليك ليلة قدر مباركة عليك انت الزوجة ديالك ختي عائشة او العائلة الكريمة ديالك كاملين خصوصا الاخت ديالك ختي عائشة
صراحة خاصك دارك بوحدك عائشة مجاتش معاها لعروبية هيا بنت زوينة خاصها عيشة زوينة صراحة ضروري دير دويرة و كراجات اليوتوب ماشي دايم دير بروجي ديال الله اوفقك
شفت الفيديو. كتبان لي كتهضر على دار وكاتعاود الكلام شحال من مرة مرتبك بحال الخايف. وغادير شي دننب مافهمتش. رغم انه داك من حقك. كتهضر على مستقبل الوليدات. ونتا دير بعدا غير مستقبلك. ونتمنى دير دار. قريبة المدارس ومشروع.واليوتيوب غير مستقر والأولاد غادي وصلو أنشأ الله. ماشي بالحيوط والمادة ولا تشري ليهوم تليفون. الأهم تواصل العاطفي وتكون حداهم عند الحاجة كاب وسند. والقرية. أما انك بنيتي دار وداير مشروع هاذا من حقك. وتعلم غير مشا الله من يوتبورزات غير ليجاو من بعدك ونتا سبقتي اليوتيوب وباقي كاتخد الأذن باش دير مستقبلك اه يا ناري. ولديك وخا تبني بقا معاهم خصوصا أن ولدك ولا بنتك مازال ماتزاد. ومازال ماوصل لسن دراسة باقي الوقت. نتمنى تكون فهمتني.
نتا داير بحال طير ليبغا اطير ولكن جناح مكسورين. حان وقت تغير اسي يونس. وهادا لا يعني أنك عاق. ولديك وخا دير مشروع هاذا لا يعني أنك تخليتي عليهوم. البغيتي دير دار فكر المدارس اكونو إحداها ودير مشروع تفهم فيه ومكان فيه رواج. ودار العروبية عمرك تندم حينت صلحتيها سواء كانت بسمتك أو لا. ولكن خصك دير مشروعك. ولما لا مشاريع كون طموح وليس طماع. وليس على حساب صحتك. دير بعدا مشروعك وملي أكبر ولدك احن الله فين غادي تعيش وحدة بوحدة. هضر دابا غير على مشروعك فقط وركز عليه اما تمشي ولا تجلس عند ولديك ماتهضرش فيه دابا مازال كاع مابنيتي. والله غاذي ادير غير ليفيها الخير. غير بشوية عليك. حينت غادي تعبا مازال كاع مبتديتي. سمحلي طولت عليك.
الاخ يونس ، منين ما غتسكنش فالدار دالعروبية علاش غتصلحها بهاد المستوى ، اه الوالدين يستحقوا وواجب عليك تصلحلهم ولكن على قد جهدهم ، واش با قدور غيستافد من ديك الكوزينة بدوك المعايير. نصيحة مني الى بغيتي تسكن بوحدك اه من حقك ولكن الفكرة انك تبني دار فالعروبية ما صالحاش بالمرة ، شوف شي قطعة أرضية فشي تجزئة ديال العمارات او ديال الفيلات الاقتصادية وبنيها طبقة طبقة ليك انت وعائشة طبقة وللوليدات طبقة بالبيوت ديالهم ، الأولاد كيكبروا وغيحتاجوا يمشيوا لثانويات ومن بعد للجامعة ، آش غيديروا بالسكنة فالعروبية ههههه . وحتى منين يبغيوا العروبية راه كاين الدار ديال با قدور منها نيت يديروا معاه صلة الرحم. وحاجة اخرى لالة حادة راها جزء لا يتجزئ من القناة والى بعدتي عليها ودرتي محتوى البادية غير انت وعائشة الناس ما غيعجبهمش الحال. داكشي علاش كنقترح عليك تاخد قطعة ارضية تبنيها على يديك لتحت دير شي مشروع والفول جوج ولا ثلاثة دالشقق وحدة ليك انت وعائشة والثانية للبنات والثالثة لعمران هو وخوه اللي جاي فالطريق 🥰 وفنفس الوقت تحافض على محتوى البادية مع لالة حادة وبا قدور واخة تمشيوا عندهم غير يوماين فالاسبوع…
والله يوفقك
كمتتبعة لقناة مربوحة من الأوائل كلام الحق أن يونس ساعظ ناس بزلداف و عاون قنوات بزاف لي ولاو الآن مم أكبر ااقنوات و برزقهم و بخيرهم ،إلا يونس مسكين الوحيييد لمعندو حتى برطمة بسمينو اللخ يعوضك …حاجة وحدة للممتافقتش معاك أ يونس ديما كتسبق الهضرة على الفعل..و ديك الدار بقا فيها و صور و فنفس الوقت شري داكشي لباغي و جهز حتى تكمل عاد هضر🙏🙏 و هادشي كياخد الوقت..و كنتمنة من خوت و من با قدور يكتبو سمية الدار ف يونس ❤❤
نصيحة،أنا بلاصتك نشري أرض أو جوج تكون تجارية و بقا تبنيها شوية بشوية و ف نفس الوقت هانتا ساكن مع وليديك و عيشة حتى هي تبقا موانسا مع لالة حادة وبالخصوص يجي الفنيكيش ولا الفنيكيشة يخصها لوناسا الله يجيبو ليكم بالصحة و الرزق يا ربي..همه فكرة أنك تخوي دابا الدار من بعد مرجعتيها جنة فكرة غالطة…جمع فلوس و بدا تشري عقار أحسن ليك
سلام، عواشر مباركة،. تحية طيبة إلى لالا حدا، وبا قدور، ويونس، وعائشة. يمكنكم التفكير في مشروع في بودربلاء، فهي مدينة زراعية: معصرة زيت زيتون، ويمكنكم حتى إنشاء علامتكم التجارية الخاصة، “زيت مربوحة”، أو بيع منتجات محلية مصنوعة من نباتات لالا حدا وخضراوات با قدور، بالإضافة إلى زيوت يونس وعائشة النباتية. إذا كنتم تفضلون مشروعاً أبسط، فيمكنكم التفكير في مشروع يتعلق بمنتجات الحاسوب المرتبطة بالإنترنت، والتواصل الافتراضي، والأجهزة المتصلة. بتوفيق انشاء الله.